ცხელი ხაზი: (0322) 060101

კომპანიის შესახებ

სამშენებლო და სარემონტო მასალების ჰიპერმარკეტი მოდუსი დარ ჰოლდინგში შემავალი ერთ-ერთი კომპანიაა, რომელიც 20 წელია რაც ქართულ ბაზარზეა. კომპანიის საქმიანობის სფეროს წარმოადგენს სამშენებლო- სარემონტო და მოსაპირკეთებელი მასალების იმპორტი მსოფლიოს სხვადასხვა ქვეყნებიდან, ასევე გვაქვს დინამიურად მზარდი ადგილობრივი წარმოების პროდუქცია.
მოდუსის თანამედროვე შოურუმებში გარდა ადგილობრივი წარმოების პროდუქციისა, განთავსებულია ყველა სახის სარემონტო- სამშენებლო მასალები, ასევე ავეჯის შოურუმიც. ჩვენი კომპანიის მიზანია მომხმარებელს მივაწოდოთ ინოვაციური და მოთხოვნაზე ორიენტირებული საქონელი.
მოდუსი სამშენებლო-სარემონტო მასალების საბითუმო და საცალო ვაჭრობაში ლიდერი კომპანია გახლავთ ქართულ ბაზარზე, რომელიც ბევრ მსხვილ სამშენებლო კომპანიებთან თანამშრომლობს და ამარაგებს მათ სხვადასხვა საჭირო მასალით.
ჩვენი გუნდი, რომელშიც 2000ზე მეტი ადამიანია დასაქმებული, ორიენტირებულია შექმნას მომხმარებელთან გრძელვადიანი, ნდობასა და პროფესიონალიზმზე დაფუძნებული ურთიერთობები. კვალიფიკაციის ამაღლების მიზნით ჩვენს თანამშრომლებს პერიოდულად უტარდებათ ტრენინგები. ტრენინგის მიზანია დაეხმაროს მათ ეფექტური მომსახურებისა და გაყიდვების პროცესის მართვაში.
2019 წელს მოდუსი განაგრძობს ქართულ ბაზარზე გაფართოებას. ჩვენი ფილიალები მდებარეობს ბათუმში, ხოლო თბილისში 1 წელია, რაც გაიხსნა მოდუსის ჰიპერმარკეტი კახეთის გზატკეცილზე, რომლის ტერიტორია 4000კვ.მ შეადგენს, 2019 წლის ბოლომდე კი ტერიტორია კიდევ გაიზრდება 5000 კვ.მ-ით. აგლაძის ქუჩაზე მდებარე მოდუსის ფილიალში ამ ეტაპზე მიმდინარეობს სარემონტო სამუშაოები, რის შემდეგაც მოდუსის ჰიპერმარკეტი 8000კვ.მ-ზე იქნება განთავსებული.



მოდუსი ყველაზე მაღალი მოგების მქონე კომპანიების ასეულშია

გთავაზობთ Forbes Georgia-ს რეიტინგს, რომელიც საერთაშორისო აუდიტორულ კომპანია Grant Thornton-თან პარტნიორობით მომზადდა.

3.1 მილიარდი ლარი - ეს არის საქართველოს კერძო სექტორის, მისი უმსხვილესი ბიზნესების მიერ 2017 წლის განმავლობაში მიღებული წმინდა მოგება. რეიტინგში დაჯგუფებულია ყველა კერძო კომპანია, მათ შორის საფინანსო სექტორიც, რომელსაც საკუთარი ფინანსური ანგარიშგება საჯარო აქვს და რომლის წმინდა მოგების მაჩვენებელიც პირველ ასეულში ექცევა. უმსხვილესი კომპანიების რეიტინგისგან განსხვავებით, რომელშიც კომპანიები აქტივების ღირებულების, შემოსავლებისა და წმინდა მოგების საფუძველზე შემდგარი ინდექსის მიხედვით არიან დალაგებული, ყველაზე მოგებიანი კომპანიების რეიტინგი მხოლოდ მოგების მიხედვით არის შემდგარი.













საქართველოს ყველაზე მოგებიანი კომპანიების ასეული



მეთოდოლოგია:

რეიტინგის შედგენისთვის გამოყენებულია კომპანიების მიერ საჯაროდ გამოქვეყნებული 2017 წლის აუდიტორული ანგარიშები. მეთოდოლოგიის მიხედვით, რეიტინგში არ მონაწილეობენ კომპანიები, რომლებშიც მაჟორიტარი წილის მფლობელი არის საქართველოს სახელმწიფო.
საჯაროდ გამოქვეყნებული ანგარიშგებების საფუძველზე მომზადდა 200-ზე მეტი კომპანიისგან შემდგარი ლონგლისტი, რომლიდანაც სიაში მხოლოდ 100 უმსხვილესი კომპანია დარჩა.
ცალკეულ კომპანიებს, რომლებიც, სავარაუდოდ, ყველაზე მოგებიანი კომპანიების რეიტინგში უნდა იყვნენ, საკუთარი ფინანსები - 2017 წლის აუდიტორული ანგარიშგებები - საჯაროდ გამოქვეყნებული არა აქვთ, შესაბამისად, ისინი რეიტინგში ვერ მოხვდნენ. მათ შორისაა სამთო-მოპოვებითი სექტორის მოთამაშეები, ქიმიური მრეწველობის სექტორში ჩართული კომპანიები, სამშენებლო, ვაჭრობისა და სხვა სექტორებში მოღვაწე კომპანიები.
რეიტინგის არაერთ წევრს ეკუთვნის შვილობილი ორგანიზაციები. თითოეულის შემთხვევაში რეიტინგის შესადგენად გამოყენებულია ჯგუფის კონსოლიდირებული ანგარიშგება, რომელშიც ყველა შვილობილი კომპანიის ფინანსები არის გაერთიანებული. მაგალითად, “სოკარ ენერჯი ჯორჯია” საკუთარ თავში აერთიანებს მის შვილობილ კომპანიებს - “სოკარ პეტროლეუმს”, “სოკარ ჯორჯია გაზსა” და სხვა ორგანიზაციებს. ყველა სხვა კომპანიის შემთხვევაშიც, რომლებიც ჯგუფს წარმოადგენენ, შეფასებისთვის აღებულია ჯგუფის მშობელი კომპანიის კონსოლიდირებული ანგარიშგება.
კერძო კომპანიების მიერ საჯაროდ გამოქვეყნებული აუდიტორული ანგარიშებიდან რეიტინგი 2017 წელს ნაჩვენები მოგების მიხედვით არის დალაგებული.
წყარო: Forbes.ge
BACK TO TOP