ცხელი ხაზი: (0322) 060101

შვილობილი კომპანიები

დარ ბილდინგი

დარ ჰოლდინგის ერთ-ერთ უმთავრეს მიმართულებას წარმოადგენს სამშენებლო სფერო, სადაც სამშენებლო-დეველოპერული კომპანია დარ ბილდინგი ერთ-ერთია მათ შორის, ვისაც პირველ რიგში, ბათუმის განვითარებაში თავისი წვლილი შეაქვს. 100%-ით ქართული სამშენებლო-დეველოპერული კომპანია დარ ბილდინგი 2013 წელს დაარსდა და მალევე დაიმკვიდრა სანდო კომპანიის სახელი. ძირითად მიმართულებას სასტუმროების, მრავალფუნქციური კომპლექსების, საზოგადოებრივი დანიშნულების შენობების, სამრეწველო შენობების, საცხოვრებელი აპარტამენტების მშენებლობა, არქიტექტურა და დიზაინი წარმოადგენს. განსხვავებული და გამორჩეული არქიტექტურული სტილის მშენებარე მასშტაბურ პროექტებზე პროფესიონალთა გუნდი მაღალი პასუხისმგებლობის გრძნობით მუშაობს. კომპანია მკაცრად იცავს სამშენებლო ვადებს და მშენებლობას დათქმულ ვადაში ასრულებს. ჩვენი სამშენებლო არეალი მრავალფეროვანია. ზღვისპირა ზოლის გარდა მოიცავს როგორც ქალაქის ძველ უბანს, ასევე ბათუმის ცენტრალურ და სავაჭრო ზონას. არსებული წლების მანძილზე კომპანიამ 70 მილიონი ლარის ინვესტიცია განახორციელა. დღეისათვის კი მისი საერთო სამშენებლო ფართობი 280 000 კვ.მ.-ს შეადგენს. მუდმივად მზარდი სამშენებლო-დეველოპერული კომპანია ასობით სამუშაო ადგილს ქმნის. კომპანიის წარმატებულ, მიმდინარე და დასრულებულ პროექტებს შორისაა დარ თაუერი. ეს გახლავთ დარ ბილდინგის გამორჩეული და ყველაზე მასშტაბური პროექტი - მრავალსართულიანი სასტუმრო და საცხოვრებელი კომპლექსი ბათუმში. გარდა ამისა, კომპანია ბევრ სხვა მიმდინარე და დასრულებულ პროექტებს მოიცავს, რომლებსაც დეტალურად შეგიძლიათ გაეცნოთ დარ ბილდინგის ოფიციალურ საიტზე, ასევე ფეისბუქ გვერდზეც. დარ ბილდინგი აქტიურად მონაწილეობს საერთაშორისო სამშენებლო და ტურისტულ ფორუმებში. მუდმივად გვთავაზობს უახლეს ტენდენციებს თანამედროვე საცხოვრებელი კონცეფციების შემუშავებისთვის. სამომავლოდ, ბევრ ახალ და საინტერესო პროექტს გეგმავს.

ერა პალასი

დარ ჰოლდინგის გუნდი სამშენებლო მასალების წარმოებისა და სამშენებლო ბიზნესის გარდა სასტუმრო ბიზნესშიც საქმიანობს. ერა პალასი ბათუმსა და გონიოში კარგად ცნობილი ბრენდია. “ERA PALACE BATUMI” წლის ნებისმიერ სეზონზე აჭარაში ჩამოსული ვიზიტორების დასახვედრად მზადაა. 4 ვარსკვლავიანი სასტუმრო ბათუმის ერთ-ერთ ცენტრალურ ქუჩაზე მდებარეობს. სასტუმროს ადგილმდებარეობა უნიკლაურია, ირგვლივ მრავალფეროვანი არჩევანია. აქვეა დიდი სავაჭრო ცენტრი, უძველესი და ახალი არქიტექტურული ნიმუშები და გასართობი ობიექტები. “ERA PALACE KVARIATI“ განთავსებულია გონიოს სანაპიროს პირველ ზოლში. სასტუმროს ირგვლივ კეთილმოწყობილი ინფრასტრუქტურა და მოწესრიგებული სანაპიროა. სასტუმროების ქსელი ერა პალასი მყუდრო და ნათელი ოთახებით, შეუდარებელი ხედებით და რაც მთავარია, მაღალ კვალიფიცირებული თანამშრომლებით დაუიწყარ დასვენებას გთავაზობთ.

დარ კაპიტალი

სამშენებლოს და სარემონტო მასალების ჰიპერმარკეტ მოდუსის ქსელში იმპორტირებული პროდუქციის გარდა წარმოდგენილია ადგილობრივი წარმოების პროდუქცია, რომელსაც გვაწვდის მოდუსის შვილობილი კომპანია „დარ კაპიტალი“, რომლის საწარმო ფართობი დღეისთვის 42 000 კვ.მ ს მოიცავს. საწარმომ განვითარების სხვადასხვა ეტაპი გაიარა და სამშენებლო მასალის მწარმოებელ კომპანიათა შორის ლიდერის პოზიცია უჭირავს. სამშენებლო საწარმო აღჭურვილია თანამედროვე მანქანა დანადგარებით, მძლავრი მატერიალურ- ტექნიკური და საწარმოო ბაზით. კომპანიაში დანერგილია მართვის უახლესი სისტემა, რაც ევროპულ სტანდარტებთან შესაბამისობაშია მოყვანილი. საწარმო მუდმივად ზრუნავს კადრების კვალიფიკაციის ამაღლებაზე. დასაქმებული კადრები სასწავლო კურსს პერიოდულად უცხოეთში, კერძოდ ჩვენ პარტნიორ კომპანიებში გადიან. საწარმოში ამ დროისთვის დასაქმებულია 200მდე მაღალკვალიფიციური კადრი. 2016 წლიდან კომპანია ჩაერთო სახელმწიფო პროგრამა „აწარმოე საქართველოში“, რის შედეგადაც გაფართოვდა როგორც საწარმო ასევე წარმოებული პროდუქციის სპექტრი. წარმოებული პროდუქციის ხარისხისა და მრვალსახეობიდან გამომდინარე, დღეის მდგომარეობით საწარმო რეგიონში ინარჩუნებს ძლიერი მოთამაშის ადგილს. საწარმო 6 ძირითადი მიმართულებით მუშაობს. კერძოდ: აწარმოებს მაღალი ხარისხის წებო-ცემენტს. საწარმოში ხდება თუნუქის ნაგლინის ფორმირება და დაჭრა. სამშენებლო დანიშულების პლასტმასის ნაკეთობების, მეტალო- პლასტმასის კარ-ფანჯრების პროფილებისა და თაბაშირ-მუყაოს პროფილების წარმოება. ფასადური შესაფუთი მასალებისა და დეკორაციული დეტალების დამზადება. საწარმოში მზადდება წყლის და საკანალიზაციო მილები, სხვადასხვა ტევადობის პლასტმასის ავზები, ლურსმნები და სხვა სამშენებლო მასალები, რითიც ადგილობრივი ბაზარი მარაგდება. კომპანია მუდმივად ადევნებს თვალყურს მსოფლიო ბაზარზე საწარმოების ტექნოლოგიურ განვითარებას. მუდმივად ხდება ადაპტირება-განახლება წარმოების ტექნოლოგიებისა და წარმოებული პროდუქციის, რაც აძლევს შესაძლებლობას სამომავლოდ, გავიდეს საერთაშორისო ბაზარზე.

BACK TO TOP